Tabiatni asrash, ekologik musaffolikni ta’minlash, iqlim o‘zgarishlarning oldini olishda eng maqbul yechim bo‘lgan yashillik olamini yaratish borasida  mamlaktimiz xususan viloyatimizda ham e’tiborga molik ishlar amalga oshirilmoqda. Bundan ikki yil oldin boshlangan umummilliy harakat ko‘lami tobora kengayib borayapti va bu tashabbuslarga barcha birdek yeng shimarib kirishgani ham rost.  viloyat IIO tizimida joriy ko‘chat ekish  mavsumida 26 ming dona mevali va manzarali darakt ko‘chatlarini o‘tqazish  rejalashtirilgan bo‘lsa shu kunga qadar 22 ming 100 tub nihol ekilib parvarishiga ham kirishildi.

“Yashil makon” umummilliy loyihasi doirasida Angor tumani 3 sektrga qarashli Bahor mahallasi hududida yovvoyi o‘t-o‘lanlar bosib qarovsiz bo‘lgan yer maydoni viloyat ichki ishlar boshqarmasining sohaviy xizmat hamda shahar-tuman ichki ishlar organlari xodimlariga taqsimlanib berilishi orqali ushbu yer tez fursatlarda yovvoyi o‘t-o‘lanlardan tozalanib, og‘ir va qishloq xo‘jaligi texnikalari yordamida kerakli ishlovlar berilishi natijasida, 7 gektarlik yer maydonida “Ichki ishlar bog‘i” barpo etildi.

Dastlab, Surxondaryo viloyati IIB boshlig‘i polkovnik Abduvohid Ismoilov tomonidan  Yashil makon umummilliy loyihasi doirasida har bir shaxsning insoniy burchi sifatida qaralayotgan ko‘chat ekish tadbirlariga faol ishtirok etishdan ko‘zlangan maqsad muddao xususida to‘xtalib bu jarayonning agrotexnik tartib taomillari  xususida so‘z yuritib, ko‘chatlarni belgilangan masofada ko‘chat turi bo‘yicha sifatli qilib ekish yuzasidan tavsiyalar berildi.

Hasharda boshqarma boshlig‘ining o‘rinbosarlari, tuman xokimi, Surxondaryo viloyati Ichki ishlar boshqarmasi barcha shaxsiy tarkibi, Termiz shahar Ichki ishlar boshqarmasi, Angor va Jarqo‘rg‘on tumanlari Ichki ishlar bo‘limlari xodimlari ishtirok etdi.

Yangi tashkil etilgan bog‘da 1000 dona bodom va 1000 dona shaftoli daraxti ko‘chatlari bog‘dorchilikka ilmiy yondoshilgan holda o‘tqazildi.

Aytish kerakki o‘tqazilgan nihollarning tutib ketishi uchun barcha zaruriy choralar ko‘rilgan maydonda qishloq xo‘jaligi mahsulotlarini yetishtirish bo‘yicha ham aniq rejalar ishlab chiqilgan.