O‘zbekiston Respublikasi Prezidentining 2022 yil 29 iyun kunidagi “Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish tizimini takomillashtirish chora-tadbirlari to‘g‘risida”gi Qarori talablaridan kelib chiqib jazoni ijro etish muassasasidan ozod etilgan nazorat ostidagi shaxslarni ijtimoiy reabilitatsiya qilish, tadbirkorlik faoliyatiga jalb etish va ularning bandligini ta’minlash, ijtimoiy moslashuviga hamda kelgusida jamiyatda o‘z o‘rnini topishiga amaliy ko‘maklashish maqadida, joriy yilning 2 oktabr kuni Denov tuman aholi bandligiga ko‘maklashish hamda kambag‘allikni qisqartirish markazi binosida Denov tumani IIB Jamoat xavfsizligi xizmati Probatsiya guruhi inspektori kapitan Q.G‘afurov, Surxondaryo viloyat kichik biznesga ko‘maklashish markazi  xodimi hamda Denov tumanida faoliyat olib borayotgan tadbirkorlar ishtirokida "Yoshlarni tadbirkorlikka jalb qilish hamda biznesni rivojlantirish" bo‘yicha o‘quv seminar darsi tashkil etildi.

O‘quv seminarida hozirgi kunda  Probatsiya guruhida jazo muddatini o‘tab kelayotgan yoshlarga tadbirkorlikni yo‘lga qo‘yish Prezidentimiz tomonidan yaratilgan mavjud imkoniyatlardan unumli foydalanish yo‘llari to‘g‘risida uzoq yillik tajribaga ega bo‘lgan tadbirkorlar tomonidan xuquqiy jihatdan amaliy yoram ko‘rsatildi.

Tadbir so‘ngida nazorat ostidagi yoshlarga tuman hududida mavjud bo‘sh ish o‘rinlari bilan tanishtirilib, 2 nafariga o‘zlariga ma’qul bo‘lgan ishlab chiqarish korxonalariga ishga joylashishlari uchun  yo‘llanmalar berildi.