QALBLARDA QO’SHIQ BO’LIB YASHAGAN SHOIR!
Joriy yilning 25-aprel kuni O’zbekiston Respublikasi IIV Surxondaryo
akademik litseyida O’zbekiston xalq shoiri Muhammad Yusuf tavalludining 70
yilligi munosabati bilan “QALBLARDA QO’SHIQ BO’LIB YASHAGAN SHOIR!” shiori
ostida tadbir tashkil etildi. Tadbir davomida o’quvchilarning musiqiy
chiqishlari, teatrlashtirilgan sahna ko‘rinishlari yig‘ilganlarga namoyish
etildi. Tadbir doirasida shoir hayoti va ijodiga bag‘ishlangan kitoblar
ko‘rgazmasi tashkil etildi. Tadbir sherxonlik mushoiralari hamda shoir
sherlariga bastalangan kuy va qo’shiqlar bilan yig’ilganlarni yanada
ruhlantirdi. Ko‘tarinki kayfiyatda o‘tgan tadbir ishtirokchilarda katta
taassurot qoldirib, Muhammad Yusuf ijodi bilan yana bir bor yaqindan
tanishishlari uchun xizmat qildi. Tadbir yakunida shoir ijodi va sheriyat
bilimdonligi bo’yicha o’tkazilgan viktorina g’oliblari hamda faol ishtirok
etgan 1-bosqich 6/23-guruh o’quvchilari litsey rahbariyati tomonidan
taqdirlandilar.
