Joriy yilning 1 iyul kuni Surxondaryo viloyati Ichki ishlar boshqarmasi binosida viloyat IIB boshlig‘ining birinchi o‘rinbosari Baxtiyor Inoqov huzurida viloyat hududida Kibermadaniyatni yuksaltirish oyligi - “Cyber month” doirasida targ‘ibot-tashviqot tadbirlarini yuqori saviyada o‘tkazishga qaratilgan kompleks chora-tadbirlarga bag‘ishlangan video selektor tarzidagi yig‘ilish bo‘lib o‘tdi.

Ushbu o‘tkazilgan yig‘ilishda, boshqarma boshlig‘ining o‘rinbosarlari, O‘zbekiston Respublikasi IIV Shaxsiy xavfizlik bosh boshqarmasi Surxondaryo viloyati bo‘yicha boshqarmasi boshlig‘i, O‘zbekiston Respublikasi IIV Tezkor qidiruv departamenti Kiberxavfsizlik markazi mas’ul xodimlari O.Ismoilov, A.Murodovlar hamda viloyat IIB hamda barcha shahar-tuman IIB shaxsiy tarkibi ishtirok etishdi. 

Yig‘ilishda, mas’ullar tomonidan bugungi rivojlanib borayotgan axborot texnologiyalari inson hayotini yengillashtirish va vaqtini tejash bilan bir qatorda ko‘plab muammolarni ham keltirib chiqarayotganligi, o‘zlarining g‘arazli maqsadlarini amalga oshirishda axborot texnologiyalari imkoniyatlaridan keng foydalanayotgan firibgarlar soni kundan-kunga ortib borayotganligi, ushbu turdagi jinoyatlarning sodir etish shakl va uslublarining doimiy o‘zgarib borishi bu kabi jinoyatlarga qarshi kurashishda bir qancha muammolarni keltirib chiqarayotganligi ta’kidlandi.

Shuningdek, hozirda, bunday turdagi jinoyatlarga qarshi kurashishning eng samarali yo‘llaridan biri fuqarolarimizda “kibergigienani” va ularga nisbatan immunitetni shakllantirish zarurligi alohida qayd etildi.

Shu sababli, Ichki ishlar vaziring tegishli farmoyishiga ko‘ra respublikamizning barcha hududlarida kompleks targ‘ibot tadbirlarini o‘tkazish rejalashtirilgan. 1 iyul kunidan 31 iyul kuniga qadar Surxondaryo viloyatida ham “kibermadaniyatni yuksaltirish oyligi” kompleks targ‘ibot tadbirlari o‘tkazilishiga start beriladi.

Mazkur oylik doirasida 13 ta tanlov va 10 ta targ‘ibot tadbirlari o‘tkazish rejalashtirilgan.

Bulardan: “Eng faol mahalla”, “Eng yaxshi milliy kontent” tanlovi, “STOP! Cybercrime” nomli ogohlikka chaqiruvchi ommabop chellenjlar, “Biz kiberjinoyatlarga qarshimiz” shiori ostida kibersport musobaqasi va Kiberbullingdan himoyalanish, kiberomantikaning salbiy oqibatlari,  shaxsiy ma’lumotlarni himoya qilish kabi  targ‘ibot tadbirlari o‘tkaziladi hamda tanlov g‘oliblari qimmatbaho sovg‘alar bilan taqdirlanishi rejalashtirilgan.

Shu sababli viloyat IIB boshlig‘ining birinchi o‘rinosari  Baxtiyor Inoqov mazkur tadbirlar viloyatning barcha shahar-tumanlarida sifatli tashkil qilinishi, ularni o‘tkazish va ijrosini ta’minlash maqsadida “mobil tezkor guruh” va “shtab” tashkil qilish kerakligi, Muhtaram Prezidentimiz Shavkat Mirziyoevning tashabbuslari bilan tashkil etilayotganligi alohida ta’kidlanib, shaxsiy tarkibdan  mazkur kompleks targ‘ibot tadbirlarini o‘tkazishda faol qatnashishi va fuqarolarimizni kiberjinoyatlar qurboni bo‘lishining oldini olishda har bir ichki ishlar organi xodimlarining vazifasi ekanligi uqtirildi.