“Ҳуқуқшунослик фани ойлиги доирасида” куни ИИВ Сурхондарё академик лицейи ўқувчилари учун давра суҳбати ташкил этилди.
Жорий йилнинг 26-март куни ИИВ Сурхондарё академик лицейи ўқувчилари лицейнинг ҳуқуқшунослик ва ижтимоий гуманитар фанлар кафедраси мудири тарих фанлари бўйича фалсафа доктори М.Алланазаров бошчилигида Термиз Давлат университети Юридик факультетига ташриф буюришди. Ўқувчиларга “Ўзбекистон Республикаси суд ҳуқуқ тизимида амалга оширилаётган ислоҳотлар” мавзусида факультетнинг профессор ўқитувчилари иштирокида давра суҳбати ташкил этилди.
Шунингдек, академик
лицейнинг Ҳуқуқшунослик фани ўқитувчиси Ф.Янгибоев “Ўзбекистон Республикаси Президентининг
конституциявий ҳуқуқий мақоми” мавзусида очиқ дарси ташкил қилинди. Очиқ дарс давомида
ўқувчилар фаол иштирок этишди.
Бундан ташқари, лицей ўқувчилари Термиз Давлат университети ҳузуридаги “Қатағон қурбонлари хотираси музейи”га ташриф буюришиб, Ватанимизнинг миллий истиқлоли, учун курашиб, шу йўлда жонини фидо этган, сиёсий қатағон қурбонларининг ҳаёти ва фаолияти билан атрофлича танишдилар.
