Сурхондарё вилояти ИИБ, Ўзбекистон Республикаси Ёшлар ишлари агентлиги Сурхондарё вилоят бошқармаси, Ўзбекистон Ёшлар иттифоқи вилоят кенгашининг қўшма қарорига асосан, Термиз тумани маҳаллаларида истиқомат қилаётган уюшмаган ёшлар ўтасида “энг фаол фидокор ёшлар” кўрик танлови бўлиб ўтди.
Танлов 3 босқичда ўтказилиб тўсинга (турник) тортилиш, 100 метр ва 3000 метрга югуришдан иборат бўлди.
Танловда иштирок этган уюшмаган ёшлар орасида 2004 йилда Термиз туманида туғилган Қорахон маҳалласида яшовчи Омонов Шоҳрух 17 маротаба тўсинга (турник) тортилиш, 100 метр масофага 12 сонияда ва 3000 метр масофага 12 дақиқа 48 сонияда шартни бажариб фахрли учунчи ўринни эгаллади.
Фахрли иккинчи ўрин эса 1999 йилда Термиз туманида туғилган Намуна маҳалласида яшовчи Вохобжонов Шерали 19 маротаба тўсинга тортилиш, 100 метр масофага югуришда 14 сонияда ва 3000 метр масофага югуриш беллашувида 12 дақиқа 38 сонияда бажарганлиги учун насиб қилди.
Мутлоқ ғолибликни қўлга киритиб, биринчи ўринни эгаллаган 1998 йилда Термиз туманида туғилган Намуна маҳалласида яшовчи Исмоилов Атхамжон 26 та турникка тортилиш, 100 метрлик масофани 14 сонияда ҳамда 3000 метр масофалик марра чизиғини 12 дақиқа 35 сонияда забт этиб, вилоят босқичига иштирок этиш йўлланмасига эга бўлди.
Фахрли ўринларни эгаллаган ёшларга ташкилотчилар томонидан диплом ва эсдалик совғалари топширилди.