Аввал хабар берганимиздек, Сурхондарё вилояти прокуратураси ҳамда вилоят Ички ишлар бошқармаси томонидан Президентимизнинг 2025 йил 3 январь кунидаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон қарори ижроси юзасидан ўрганишлар олиб борилмоқда. Бу галги ўрганиш ишлари Сариосиё тумани ҳудудида давом эттирилди.

Хусусан, ишчи гуруҳ тумандаги криминоген вазияти оғир бўлган “Биллур” маҳалласида бўлиб, маҳалла еттилиги фаолияти ҳамда Президент қарори ижроси доирасида амалга оширилаётган тадбирлар билан танишиб, масъулларга бу борадаги ишларни жадаллаштириш юзасидан тегишли топшириқлар берилди.

Шунингдек, туман прокуратурасида ташкил этилган туман мувофиқлаштирувчи штаб ва ишчи гуруҳ аъзолари томонидан Қарор ижроси юзасидан амалга оширилган ишлари муҳокама қилиниб, туман “Йўл харита”да белгилаб берилган вазифалар ижросини ўз вақтида сифатли ижро этилишини таъминлаш ҳамда амалга оширилаётган ишлар ҳаққонийлигини кунлик назорат тартибида ўрганиб борилиши лозимлиги таъкидланди.

Бундан ташқари, Давлатимиз раҳбари раислигида Коррупцияга қарши курашиш йўналишида ўтказилган йиғилишда берилган топшириқлар ижроси ва йўл қўйилган камчиликлар танқидий муҳокама қилиниб, келгусидаги вазифалар белгилаб олинди.

Бу борадаги амалий ишлар вилоятнинг бошқа ҳудудларида ҳам давом эттирилмоқда.