Танлов тадбирлари Ўзбекистон Республикаси Президентининг 2017-йил 29-ноябр кунидаги ПҚ-3413-сон Қарори ҳамда Ички ишлар вазирлигининг 2023-йил 02-ноябр кунидаги 601-сонли буйруғи талаблари асосида ташкил этилади.

Хизматга танлов асосида, соғлиғининг ҳолати ва жисмоний тайёргарлиги бўйича ходимнинг хизмат мажбуриятларини бажаришга қодир бўлган шахсий, ишбилармонлик ва касбий фазилатларга эга эркак номзодлар қабул қилинади.

Танловда иштирок этиш истагини билдирган номзодларга қўйилган талаблар:

- Ўзбекистон Республикаси фуқароси бўлган эркаклар;

- доимий яшаш жойи бўйича Сурхондарё вилояти ҳудудида рўйхатда турган;

- ҳарбий хизматни ўтаган (муддатли ёки сафарбарлик чақируви резервида);

- ёши 18 ёшдан кичик ва 35 ёшдан катта бўлмаган;

- бўйи 165 (бир юз олтмиш беш) сантиметрдан паст бўлмаган;

- Олий таълим муассасаларини қуйидаги мутахассисликлар (йўналишлар) бўйича тамомлаганлар:

-педагогика ва психология мутахассислиги;

-социология ва психология таълим соҳасининг психология таълим йўналиши.

Аризалар https://kb.iiv.uz/ сайти орқали фақат онлайн тарзда қабул қилинади.

Жорий йилнинг 2025-йил 24-октябрь кунидан 31-октябрь кунига қадар мурожаат қилмаган номзодлар рўйхатга киритилмайди ва ушбу танловларда қатнаша олмайди.

Қўшимча маълумотларни Сурхондарё вилояти Ички ишлар бошқармасининг телеграм расмий сайти (Surxondaryo IIB | Rasmiy kanal), вилоятдаги бошқа оммавий ахборот воситалари ёки 76-224-15-76, 97-865-91-02 телефон рақамлари орқали олишингиз мумкин.

Танловда иштирок этмоқчи бўлган фуқаролар 2025-йил 24-октябрь кунидан 31-октябрь кунига қадар фақатгина https://kb.iiv.uz/ портал орқали онлайн рўйхатдан ўтишлари талаб этилади.

Сурхондарё вилояти ИИБ Маънавий-маърифий ишлар ва Кадрлар билан таъминлаш хизмати.