Сурхондарё вилояти ИИБ шахсий таркиби билан навбатдаги ўқув машғулоти ўтказилди.
Ўзбекистон Республикаси ИИВнинг 2024-йил 5-октябрдаги 555-сонли буйруғига асосан, Сурхондарё вилояти ИИБ шахсий таркиби билан навбатдаги хизмат, жанговар, жисмоний ва ахлоқий-психологик тайёргарлик машғулоти ўтказилди.
Бундан кўзланган асосий мақсад, ходимларнинг хизмат фаолияти бўйича янгича услуб, илғор тажрибалар бўйича билим ва кўникмаларини ошириш, шахсий таркибнинг ўқ отиш тайёргарлиги ва саф тайёргарлиги, махсус воситаларни қўллаш тартиби ҳамда хавфсизлик қоидалари бўйича назарий билим ва амалий кўникмаларини янада мустаҳкамлаш, шунингдек, уларнинг руҳий барқарорликни шакллантириш, зийраклик, ҳушёрлик, хотира ва бошқа касбий-психологик жараёнларни ривожлантириш ҳамда хизмат фаолияти жараёнида юқори ишчанликни ва юксак маънавий-руҳий сифатларини тарбиялаш ҳисобланади.
