19 Август 2022 йил
324
Сурхондарё академик лицейи ўқувчилари Ҳарбий қисмда ташкил этилган “Очиқ эшиклар куни”да иштирок этишди
Ўзбекистон Республикаси ИИВ Сурхондарё академик лицейи ўқувчиларининг ёзги таътилини мазмунли ўтказиш мақсадида, жорий йилнинг 19 август куни Халқаро аэропортларда хавфсизликни таъминлаш қўшинлари ҳарбий қисмда очиқ эшиклар куни муносабати билан ИИВ Сурхондарё академик лицейи ўқувчилари ҳарбий қисмга ташриф буюришиб, у ерда кўргазмага қўйилган ҳарбий техникалар, ўқ отар қуроллари, фаол мудофаа воситаларининг техник тактик хусусиятлари ўқувчиларга ҳарбий мутахассислар томонидан тушунтирилди. Шунингдек, ўқувчилар ҳарбий қисмда яратилган шароитлар, у ердаги кутубхонада мавжуд бўлган китоблар билан танишишди.
