Касб фахрийлари эъзозланди
Сурхондарё вилоят ИИБ ҳузуридаги Тергов бошқармасининг раҳбарияти ва масъуллари томонидан 25 октябрь – Ички ишлар органлари ходимлари куни муносабати билан Тергов бўлинмаларида узоқ йиллар хизмат қилиб, ҳозирги кунда нафақа гаштини сураётган фахрийлар ҳолидан хабар олинди. Фахрийларга байрам табрикномалари ҳамда эсдалик совғалари топширилди.
Ташрифдан кўнгли шод бўлган фахрийлар ҳозирда Тергов бўлинмаларида хизмат қилиб келаётган ёш терговчи ва суриштирувчиларга ўзларининг устозлик ўгитларини беришга доим тайёрлигини, бу борада вилоят ИИБ ҳузуридаги Тергов бошқармаси билан доимий равишда ҳамкорлик қилиш ишларини давом эттириб келаётганликларидан мамнун эканликларини билдиришиб, байрам баҳонасида йўқлаганларга ўз миннатдорчиликларини изҳор этишди.
