ИИВ Сурхондарё академик лицейи ўқувчилари қурол аслаҳа ва махсус воситалар билан яқиндан танишишди
ИИВ Сурхондарё академик лицейи ўқувчиларининг қишки таътил кунларини мазмунли ўрказиш ва республика бўйича ўтказилаётган "Ватанпарварлик ойлиги" давомида маънавий-маърифий тадбирлар амалга оширилмоқда. Хусусан, жорий йилнинг 12 январ куни академик лицей ўқувчилари Сурхондарё вилояти ИИБ Тезкор вазифаларни бажарувчи сафарбарлик отрядига ташриф буюришиб, у ерда ходимларга яратилган шароитлар, қурол-аслаҳалар ҳамда махсус воситалар билан яқиндан танишишди. Бундан ташқари, отряд раҳбари ва ходимлари билан ўтказилган давра суҳбати давомида ўқувчилар томонидан тайёрланиб келинган ватанни мадҳ этувчи кўшиқларини ижро этишиб Ички ишлар органлари ходимларини Ўзбекистон Республикаси Қуролли кучлари ташкил топганлигининг 30-йиллиги ҳамда "14-Январ Ватан ҳимоячилари куни" билан самимий муборакбот этишди.
