ИИВ Сурхондарё академик лицейида, "Зукко китобхон" кўрик танлови ўтказилди
Ўзбекистон Республикаси ИИВ Сурхондарё академик лицейида жорий йилнинг 15-апрел куни ўқувчи ёшлар ўртасида Ички ишлар вазирлиги томонидан мутолаа қилиниши лозим бўлган ўзбек ва жаҳон адабиётининг 39 тасидан "Зукко китобхон" кўрик танлови бўлиб ўтди. Танлов икки босқичда бўлиб ўтди, 1-босқичда ўқувчилар махсус мавзулар асосида иншолар ёзишди ҳамда юқори натижа кўрсатган 20 нафар ўқувчи 2-босқичга иштирок этиш ҳуқуқига эга бўлишди. Кейинги босқичда ўқувчилар ҳар бир асардан 10 баллик тизим асосида ҳар бир асарга энг кўп шарҳ берган ҳамда нутқини равон баён этган ўқувчилар саралаб олинди.
Якуний натижаларга кўра 1-ўринни 1-босқич 2/21-гуруҳ ўқувчиси Бахтиёров Одил, 2-ўринни 1-босқич 4/21-гуруҳ ўқувчиси Аманова Англена, 3-ўринга 1-босқич 2/21-гуруҳ ўқувчиси Исаева Улдона сазовор бўлишди. "Зукко китобхон" кўрик танлови ғолиблари академик лицей маъмурияти томонидан қимматбаҳо совғалар билан тақдирланишди.
Сурхондарё вилояти ИИБ Ахборот хизмати
