ИИВ Сурхондарё академик лицейида, "Қодирий-маънавият зиёси" мавзусида бадиий кеча ташкил қилинди
Жорий йилнинг 11-апрель куни ИИВ Сурхондарё академик лицейида “Ватанга ва халққа садоқат билан хизмат қилиш–олий бурчимиз” шиори остида ўтказилаётган “Маънавият” ойлиги доирасида Абдулла Қодирий таваллудининг 128 йиллиги муносабати билан "Қодирий-маънавият зиёси" мавзусида тадбир бўлиб ўтди.
Тадбирда, ИИВ Маънавий-маърифий ишлар ва кадрлар билан таъминлаш департаменти МТБ инспектори катта лейтенант А.Боймирзаев, шунингдек 54831-сонли ҳарбий қисм командирининг Маънавий-маърифий ишлар бўйича ўринбосари майор Д.Холёровлар иштирок этишди.
Тадбирни ИИВ Сурхондарё академик лицейи директори подполковник Б.В.Бўриев кириш сўзи билан очиб берди.
Тадбир давомида, ўқувчилар томонидан Абдулла Қодирий ҳаёти ва ижоди ҳақида маълумотлар, мусиқали ва шеърий чиқишлар ҳамда Қодирий ҳаётидаги кечинмалар акс этган саҳна кўринишлари намойиш этилди.
Тадбир якунида фаол иштирок этган ўқувчилар академик лицей маъмурияти томонидан фахрий ёрлиқлар билан тақдирланишди.
