Мир Алишер Навоий ёшлигидан Хуросоннинг бўлажак ҳукмдори Ҳусайн Бойқаро билан (1469-1506) дўст бўлган. 10-12 ёшидан шеърлар ёзишни машқ қилган. Навоийни машҳур ўзбек шоири Лутфий (1369-1465) қариган чоғларида болакай Навоий билан кўришади ва унинг шеърий иқтидорини юқори баҳолайди.

Ҳаёти давомида Навоий  мусулмон Шарқининг турли мамлакатларида бўлади, 1469 йил Темурий Ҳусайн Бойқаро Ҳиротни эгаллайди ва Хуросон ҳукмдори бўлади. Шу вақтдан эътиборан, Навоий ҳаётининг янги босқичи бошланади. У мамлакатнинг сиёсий ҳаётида фаол иштирок этади. Хуросон ҳукмдори Навоийни давлат муҳрдори этиб тайинлайди, 1472 йил вазир бўлади. Эгаллаган мансаби орқали у мамлакатнинг маданий ва илмий тараққиётида катта ёрдам кўрсатади.

Улуғ бобокалонимизнинг ёрқин хотирасига бағишлаб, 2023 йил 8 февраль куни вилоят Ички ишлар органлари ходимлари ўртасида “Энг яхши китобхон” кўрик танлови ўтказилди.

Ушбу танловни адолатли ва юқори савияда ўтишини таъминлаш мақсадида, адиб Собир-Термизий номидаги Сурхондарё вилояти Ахборот кутубхона маркази сектор мудираси И.Шамсиддинова, Ўзбекистон ёзувчилар уюшмаси Сурхондарё вилояти бўлими ходими Д.Жумаева ҳамда ИИВ Сурхондарё Академик лицейи она-тили ва адабиёт фани ўқитувчиси М.Хурсановлар таклиф этилди. Кўрик танлов қизғин бахс ва мунозараларга бой ўтди.

Кўрик танловда иштирок этган 15 нафар иштирокчилар орасида ўзининг билимдонлиги, ҳозиржавоблиги ва зукколиги билан ажралиб турган Бойсун тумани ИИБ ЖХХ Ҳуқуқбузарликлар профилактикаси вояга етмаганлар бўйича инспектор психологи катта сержант Дўстёров Парда Тошмат ўғли фахрли учинчи ўринни, вилоят ИИБ ЖХХ кадрлар билан таъминлаш хизмати муҳим топшириқлар бўйича инспектори капитан Ҳазратқулов Жасур Панжиевич фахрли иккинчи ўринни қўлга киритган бўлса, Қизириқ тумани ИИБ Ҳуқуқбузарликлар профилактикаси профилактика инспектори лейтенант Дурсохатов Мансур Тўйли ўғли биринчи ўринни эгаллади.

Танлов ғолибларига бошқарма бошлиғининг диплом ва қимматбаҳо эсдалик совғалари бошқарма бошлиғининг ўринбосари подполковник Ш.Шодиев томонидан тантанали равишда топширилди.

Шунингдек,  “Энг яхши китобхон” кўрик танловида фаоллик кўрсатган танлов иштирокчиларига бадиий китоблар жамланмаси  топширилди.