Kuni kecha Jarqo‘rg‘on hamda Termiz tuman ichki ishlar bo‘limlarida 2025 yilning 6 oyi davomida jinoyatchilik va huquqbuzarliklarning oldini olish bo‘yicha amalga oshirilgan ishlar yuzasidan yig‘ilish o‘tkazildi. Unda Surxondaryo viloyati IIB boshlig‘i o‘rinbosari Sherzod Shadiev hamda tuman IIB mas’ullari hamda shaxsiy tarkibi ishtirok etdi.

Yig‘ilishda ichki ishlar organlarining jinoyatchilikka qarshi kurash, jamoat tartibini saqlash, yo‘l transport hodisalarining oldini olish va aholi xavfsizligini ta’minlash, shuningdek, jamoatchilik bilan hamkorlikda olib borilayotgan ishlar muhokama qilindi.

Har bir mahalladagi yettilik vakillari hamda profilaktika inspektorlari “Mening mahallamda jinoyat sodir bo‘lmasligi kerak!” shiori asosida ish yuritishi lozimligi alohida ta’kidlandi.

Yig‘ilishda yo‘l qo‘yilgan kamchiliklarni bartaraf etish va jinoyatlarning oldini olishga qaratilgan aniq chora-tadbirlar belginib, ijrosi alohida nazoratga olindi.

Yig‘ilish so‘ngida, xizmat faoliyati davomida safdoshlariga o‘rnak bo‘lib kelayotgan bir guruh xodimlar boshqarma boshlig‘ining tashakkurnomasi, kitoblar jamlanmalari hamda esdalik sovg‘alari bilan rag‘batlantirildi.