O‘zbekiston Respublikasi Ichki ishlar vazirligi Malaka oshirish institutining kasbiy tayyorgarlik fakulteti Yo‘l patrul faoliyati va Maxsus operatsiyalarni amalga oshirish faoliyati yo‘nalishlariga o‘qishga yoshi o‘n sakkizdan kichik va o‘ttizdan katta bo‘lmagan, Surxondaryo viloyatida doimiy ro‘yxatda turuvchi oliy ma’lumotli, muddatli yoki safarbarlik chaqiruv rezervi asosida harbiy xizmatni o‘tagan (oliy o‘quv yurtlarida harbiy tayyorgarlikdan o‘tganlar bundan mustasno), shaxsiy va ishchanlik sifatlari, sog‘lig‘ining holati va jismoniy tayyorgarligi bo‘yicha xodimning xizmat majburiyatlarini bajarishga qodir bo‘lgan, O‘zbekiston Respublikasi fuqarolari va oliy ma’lumotga ega Surxondaryo viloyati ichki ishlar boshqarmasi safdor xodimlari ishtirok etishlari mumkin.

Ichki ishlar organlariga kirish istagida bo‘lgan fuqarolarni quyida ko‘rsatilgan muddatdan boshlab, soat 09:00 dan 18:00 ga qadar Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati Ichki ishlar organlariga nomzodlarni qabul qilish markaziga quyidagi hujjatlar bilan kelishlari so‘raladi:

• biometrik pasport yoki identifikatsiya ID-kartasi;
• tug‘ilganlik haqida guvohnomasi asli;
• oliy ma’lumotni tasdiqlovchi hujjat (diplom ilovasi bilan) asli;
• harbiy guvohnoma asli;
• doimiy yashash joyi bo‘yicha belgilangan namunadagi sog‘lig‘ining holati haqida maʼlumotnoma (bo‘yning balandligi bo‘yicha antropometrik parametri ko‘rsatilgan holda 086-raqamli tibbiy maʼlumotnoma);

         O‘zbekiston Respublikasi Ichki ishlar vazirligi Malaka oshirish institutining kasbiy tayyorgarlik fakultetiga o‘qishga kirish istagida bo‘lgan nomzodlar 2024 yil 16 dekabr kunidan 2025 yil 16 yanvar kuniga qadar Surxondaryo viloyati Ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati Ichki ishlar organlariga nomzodlarni qabul qilish markaziga yuqorida ko‘rsatilgan hujjatlar bilan murojaat qilishlari so‘raladi.

Tanlov tadbirlari davomida, jamoatchilik tashkiloti vakillari va nomzodning yaqin qarindoshlari ishtirok etishlari mumkin.

O‘zbekiston Respublikasi Ichki ishlar vazirligi Malaka oshirish institutining kasbiy tayyorgarlik fakultetiga o‘qishga kirish istagini bildirgan nomzodlarning arizalari 2024 yilning 16 dekabr kunidan oldin yoki 2025 yil 16 yanvar kunidan keyin qabul qilinmaydi.

Manzil: Surxondaryo viloyati, Termiz shahar “Katta bog’” mahallasi, Navbahor ko‘chasi. Surxondaryo viloyati IIB Ichki ishlar organlariga nomzodlarni qabul qilish markazi binosi.

Qo‘shimcha ma’lumotlar uchun telefon: (76) 224-15-76

SURXONDARYO VILOYATI IIB MMI VA KBTX