Ichki ishlar organlarida xotin-qizlar masalalari bo'yicha (katta) isnpektorlarining xizmat faoliyatiga oid bilim va ko'nikmalarini oshirish ularaning kasb mahorati o'sishiga xizmat qiladi. IIV malaka oshirish institutining Surxondaryo filialida viloyat ichki ishlar organlari xotin-qizlar masalalari bo'yicha (katta) isnpektorlari uchun tashkil etilgan qisqa muddatli o'quv kurslaridan ham ayni maqsad ko'zlangan.
5 kunlik o'quv seminar xizmatdan ajralgan holda olib borilmoqda, — deydi IIV Surxondaryo akademik liseyi direktorining xodimlarni malakasini oshirish bo'yicha o'rinbosari, mayor Feruz Qlichev. — Unda tinglovchilar xizmat faoliyatiga oid yangi bilimlardan boxabar bo'lish bilan birga, ularga amaliy faoliyati davomida huquqiy va metodik jihatdan yordam ham ko'rsatiladi. O'quv mashg'ulotlarini IIV malaka oshirish institutining professor-o'qituvchilari olib borishmoqda.
Aytish kerakki, mazkur qisqa muddatli o'quv kursi davlatimiz rahbarining 2020 yil 18 fevraldagi "jamiyatda ijtimoiy-ma'naviy muhitni sog'lomlashtirish, mahalla institutini yanada qo'llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to'g'risida"gi farmoni hamda Vazirlar Mahkamasining 2020 yil 4 yanvardagi "xotin-qizlarni tazyiq va zo'ravonlikdan himoya qilish tizimini takomillashtirish chora-tadbirlari to'g'risida"gi qarori ijrosi doirasida o'tkazilmoqda.
Kurs yakunida tinglovchilar o'rgangan bilimlari sinovdan o'tkaziladi va test sinovlarini muvaffaqiyatli topshirgan tinglovchilarga belgilangan namunadagi sertifikatlar topshiriladi.

Surxondaryo viloyati IIB axborot xizmati