Viloyat IIB xodimlari va ularning oila a’zolari uchun "Yangi yil" bayram dasturi tashkil etildi.
Ayni kunlarda yurtimizda Yangi yil bayrami shukuhi hukmron. Ayniqsa, yurtdoshlarimiz kayfiyati yanada ko‘tarinki, nigohlarida bir olam quvonch ko‘rishingiz mumkin. Bu borada an’anaviy tarzda o‘tkazib kelinayotgan bayram tadbirlarining ahamiyati beqiyos.
Shu munosabat bilan
Surxondaryo viloyati Ichki ishlar organlari xodimlari qolaversa xizmat vazifasini
bajarish vaqtida halok bo‘lgan xodimlarning oila a’zolari va farzandlariga bayramona
kayfiyat ulashish maqsadida joriy yilning 28-dekabr kuni Surxondaryo viloyat Musiqali
drama teatrining ijodiy jamoasi tomonidan sahnalashtirilgan "Qorbobo sarguzashtlari"
nomli spektakl namoyish etildi.
Ushbu spektakl bolajonlarga bir olam zavq bag‘ishladi. Tadbirda bolajonlarga bayram sovg‘alari ulashildi.
