O‘zbekiston Respublikasi Prezidenti, Qurollik Kuchlar Oliy Bosh qo‘mondoni Sh.Mirziyoev tomonidan 2024 yil 12 yanvar kuni o‘tkazilgan Xafsizlik kengashining kengaytirilgan yig‘ilishidagi belgilangan vazifalardan kelib chiqib, Termiz shahar Ichki ishlar boshqarmasiga biriktirilgan otaliqqa olingan yoshlar o‘rtasida huquqbuzarlik va jinoyatchilikning oldini olish maqsadida, turli sport musobaqalari o‘tkazib kelinmoqda.

Xuddi shunday musobaqalardan biri sportning Mini futbol turi bo‘yicha Termiz shahridagi 3 sektor hududidagi 9 ta mahallalarda istiqomat qiluvchi  yoshlar tarkibidan tuzilgan futbol jamoalari kuch sinashishdi. Bunda Termiz shahrining ya’ni “A.Jomiy”, “Eski shahar”, “Majnuntol”, “Pattakesar”, “Nurli kelajak”, “Amu-sohil”, “Surxon-sohili”, “Jo‘yjangal” hamda “Ma’rifat” mahallalaridagi otaliqqa olingan yoshlari o‘rtasida o‘tkazilib, musobaqa yakuniga ko‘ra, 1-o‘rinni “Nurli kelajak” MFY yoshlari, 2-o‘rinni “Majnuntol” MFY yoshlari hamda 3-o‘rinni “Eski shahar” MFY yoshlari egallashdi.

Termiz shahridagi “Yoshlar istirohat bog‘ida” musobaqa g‘oliblarini taqdirlash marosimi bo‘lib o‘tdi. Unda g‘olib bo‘lgan jamoalar Termiz shahar IIB boshlig‘ining diplom hamda estalik sovg‘alari bilan taqdirlanishdi. Tadbir davomida, otaliqqa olingan yoshlarning madaniy hordiq chiqarishlari uchun gala konsert dasturi tashkilashtirildi.