Teatr haftaligi doirasida Surxondaryo viloyati Ichki ishlar boshqarmasi xodimlari va ularning oila a’zolariga teatr namoyish etildi.
Surxondaryo viloyati Ichki ishlar organlari xodimlarining ma’naviy dunyoqarashini
yuksaltirish, tariximiz, milliy qadriyatlarimizga hurmat hamda ularni vatanparvarlik
ruhida tarbiyalashda madaniyat va san’atning xususan teatrning ahamiyati katta hisoblanadi.
Shuningdek, yurtimizda 21-27 mart kunlari “Teatr haftaligi” deb e’lon
qilinganligi munosabati bilan, joriy yilning 25 mart kuni Surxondaryo viloyati ichki
ishlar organlarida xizmat qilayotgan xodimlar va ularning oila a’zolari
e’tiboriga, Surxondaryo viloyati musiqali drama teatrining ijodiy jamoasi tomonidan
sahnalashtirilgan “Zo‘raki tabib” nomli spektakli namoyish etildi.
Ushbu spektakl
namoyishi Ichki ishlar organlari xodimlarining madaniyat va san’atning turli sohalariga
bo‘lgan qiziqishlarini oshirish ma’naviy dunyoqarashini yuksaltirish, ularni
estetik jihatdan tarbiyalashga qaratilganligi bilan yanada muhim ahamiyat kasb
etdi.
