Surxondaryoda afv etilganlarning muammolari o‘rganilmoqda
Prezidentimizning “Jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan bir guruh shaxslarni afv etish to‘g‘risida”gi farmoniga asosan, 488 nafar shaxs afv etildi. Ular qatorida Surxondaryo viloyatida istiqomat qiluvchi 28 nafar shaxs ham bor.
IIV mas’ullari hamda viloyat IIB rahbariyati
boshchiligidagi ishchi guruh ularning xonadonlarida bo‘lib, oilaviy sharoitlari,
mavjud muammolarini o‘rganishmoqda.
Jumladan, Termiz shahar, Termiz va Sherobod tumanlarida istiqomat qiluvchi afv
etilgan fuqarolar holidan xabar olindi. Ularning oilaviy sharoiti va muammolari
o‘rganilib, tibbiy ko‘rikdan o‘tkazildi. O‘rganishlar davomida, ularga davlatimiz
rahbari tomonidan berilgan imkoniyatlardan oqilona foydalanish borasida tushunchalar
berildi.
Shuningdek, bugungi kunda afv etilgan fuqarolarni ijtimoiy hayotga moslashtirish, ish bilan ta’minlash, muqim daromad manbaini yaratish borasida tegishli chora-tadbirlar olib borilmoqda.
