O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat kengashining kalendar rejasiga asosan 2024 yilning 27 noyabr kuni Termiz shaxridagi Alpomish sport majmuasida sportning “Armrestling” turi bo‘yicha Surxondaryo viloyati Huquqni muhofaza qiluvchi organlarida xizmat o‘tayotgan xodimlar va xarbiy xizmatchilar o‘rtasida viloyat birinchiligi   musobaqasi o‘tkazildi.

Sport musobaqasi murosasiz baxslarga boy bo‘lib, Surxondaryo viloyatida  xizmat o‘tayotgan Surxondaryo viloyati Milliy gvardiyasi boshqarmasi,  Surxondaryo viloyati  Davlat xavfsizlik xizmati boshqarmasi,  Surxondaryo viloyati DXX ChQ “Janub” OQ, Surxondaryo viloyati Favkulodda vaziyatlar boshkarmasi, Surxondaryo viloyati Ichki ishlar boshqarmasi; Surxondaryo viloyati Milliy gvardiyasi  Qo‘riqlash boshqarmasi, Termiz xalqaro a’roportida xavsizlikni ta’minlash alohida batalьoni  xodimlaridan iborat 7 ta terma jamoadan  jami  28 nafar sportchilar katnashdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra 1 o‘rinni Surxondaryo viloyati Bojxona boshqarmasi xodimi, 2 o‘rinni  Ichki ishlar boshqarmasi xodimi, 3 o‘rinni Surxondaryo viloyati favqulodda vaziyatlar boshqarmasi  xodimi va viloyat IIB xodimi qo‘lga kiritishdi.

G‘oliblar O‘zbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal va qimmatbaxo esdalik sovg‘alari bilan taqdirlandilar.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” “Voleybol” to‘garaklarida hozirgi kunda jami 527 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda.