Bugun Surxondaryo viloyati IIB boshlig‘i polkovnik Timur Ismailov kriminogen vaziyati og‘ir bo‘lgan Termiz tumanidagi “Ayritom” hamda “Istiqlol” mahallalariga tashrifi davomida, amalga oshirilgan ishlarni ko‘zdan kechirib, mahalla yettiligi a’zolari ishtirokida uchrashuv o‘tkazdi.

Uchrashuv davomida, mahalla hududida jinoyat va huquqbuzarliklar sodir etilishiga yo‘l qo‘ymaslik, mahallani xavfsiz hududga aylantirish, yo‘l harakati xavfsizligini ta’minlash, aholi ko‘p to‘planadigan joylarni kameralashtirish, ishsizlar sonini kamaytirish, fuqarolarning kiber jinoyatlar qurboni bo‘lib qolishining oldini olish, tibbiyot xodimlari bilan hamkorlikda ruhiy kasallar bilan ishlash borasida ishlab chiqilgan yo‘l xaritasi ijrosi o‘rganildi.

Shuningdek, jamoat tartibini mustahkamlash, fuqarolarning xavfsizligini ta’minlash va jinoyat va huquqbuzarliklarni barvaqt oldini olishga alohida urg‘u berildi. Viloyat IIB boshlig‘i ushbu yo‘nalishlarda olib borilayotgan chora-tadbirlarni yanada kuchaytirish zarurligini ta’kidladi.

Shu bilan birga Prezidentimizning 2025-yil 3-yanvardagi PQ-1-sonli qarori ijrosi, ijtimoiy profilaktika hamda mahalla yettiligi hamkorligida amalga oshirilayotgan ishlar ham o‘rganilib, bu borada  yo‘l qo‘yilgan kamchiliklarni bartaraf etish yuzasidan tegishli tavsiya va ko‘rsatmalar berildi.

Uchrashuv davomida, tuman hamda viloyat IIBdan biriktirilgan mas’ullarga mahallalarda fuqarolar xavfsiz yashashlari uchun barcha chora-tadbirlarni amalga oshirish  lozimligi aytilib, mahalla hududini xavfsiz maskanga aylantirish bo‘yicha mas’ullarga tegishli topshiriq va ko‘rsatmalar berdi.

Shundan so‘ng, boshqarma boshlig‘ining o‘rganish manzili Termiz tumani Ichki ishlar bo‘limi Jamoat xavfsizligi xizmati Yo‘l harakati xavfsizligi guruhi binosi bo‘lib, u yerda bino va hududning tozaligi, fuqarolar uchun yaratilgan shart-sharoitlar, tegishli ish hujjatlari ko‘zdan kechirilib, tuman IIB JXX Yo‘l harakati xavfsizligi guruhi katta inspektorinig tuman hududida yo‘l transport hodisalarining oldini olish yuzasidan taqdimoti tinglandi.

Boshqarma boshlig‘i tomonidan aniqlangan kamchilliklarni zudlik bilan bartaraf etish yuzasidan tuman IIB mas’ullariga tegishli topshiriq va ko‘rsatmalar berildi.