Surxondaryo viloyati ichki ishlar boshqarmasi boshlig‘ining navbatdagi “Ommaviy sayyor qabul”i bo‘lib o‘tdi.
Yurtimizda mas’ul tashkilot va idoralar rahbarlari tomonidan aholining muammolarini o‘rganish va bartaraf etish bugunning eng dolzarb masalalaridan biriga aylandi. Shu boisdan yurtdoshlarimizning o‘z turmushidan va bugungi kunidan rozi bo‘lib yashashini ta’minlash har bir rahbarga alohida mas’uliyat yuklamoqda.
Fuqarolar tomonidan
sud-huquq masalalari bo‘yicha kelib tushayotgan ariza va shikoyatlarni aholi bilan
bevosita muloqot qilish orqali har tomonlama chuqur o‘rganish va qonuniy hal etish,
fuqarolarning qonuniy huquq va manfaatlarini himoya qilish, hafta davomida kundalik
mehnat foliyati bilan band bo‘lgan aholiga qulaylik yaratish hamda murojaat qiluvchilarning
Ichki ishlar organlari rahbarlari bilan ochiq muloqot qilishlarini osonlashtirish
maqsadida, 2025 yil 27 iyul kuni Surxondaryo viloyati ichki ishlar boshqarmasi boshlig‘i
polkovnik Timur Ismailov tomonidan Surxondaryo viloyati IIB Xavfsiz turizmni ta’minlash
boshqarmasi binosida jismoniy va yuridik shaxslar bilan “Ommaviy
sayyor qabul” o‘tkazildi.
Unda viloyat Ichki
ishlar boshqarmasi boshlig‘ining o‘rinbosarlari, tegishli sohaviy xizmat rahbarlari
ishtirok etishdi.
“Ommaviy sayyor qabul”
davomida fuqarolar o‘zlarining tergov — surishtiruv, ishga qabul qilish, ishga qayta
tiklash, yo‘l harakati xavfsizligi, fuqarolikni rasmiylashtirish, modiy yordam,
oila turmush doirasidagi nizolarga barham berish, mol-mulk mojarosi, pul oldi berdi
masalasi va boshqa bir qator ichki ishlar sohasiga oid masalalar yuzasidan murojaatlar
qilishdi.
Qilingan murojaatlarning aksariyati joyida ijobiy hal etilgan bo‘lsa, qolgan murojaatlar sohaviy xizmatlar tomonidan ko‘rib chiqish uchun muddat talab etganligi sababli, ushbu murojaatlarning ijrosi boshqarma boshlig‘i tomonidan alohida nazoratiga olindi.