26 Avgust 2022 yil
311
Sherobod tumanida velopoyga tashkil etildi
Bugun, 26 avgust kuni erta tongdan Sherobod tumani hokimligi, tuman IIB, Yoshlar ishlari agentligi tuman bo‘limi bilan hamkorlikda Mustaqilligimizning 31 yillik bayrami arafasida “Yangi O‘zbekistonda el aziz, inson aziz!” shiori ostida 15-18, 18-30 yosh toifasida yoshlar o‘rtasida velopoyga musobaqasi tashkil etildi.
Belgilangan masofani bosib o‘tgan ishtirokchilarning ildamligiga qarab, g‘olib va sovrindorlar aniqlandi. Natijalarga ko‘ra, 15-18 yosh toifasida "Guliston" mahallasi fuqarosi, 18-30 yosh toifasida "Mehrobod" mahallasi fuqarosi g‘oliblikni qo‘lga kiritib, tadbir tashkilotchilari tomonidan qimmatbaho esdalik sovg‘alar bilan taqdirlanishdi.
