Sherobod tumani IIBda “Ma’naviyat oyligi” doirasida “Ochiq eshiklar kuni” tashkil qilindi.
O‘zbekiston Respublikasi IIVning 2023 yil 11 aprel kunidagi Ichki ishlar organlarida “Vatanga va xalqqa sadoqat bilan xizmat qilish oliy – burchimiz” shiori ostida “Ma’naviyat oyligi”ni o‘tkazish to‘g‘risidagi hamda viloyat IIBning 2023 yil 29 aprel kunidagi tegishli farmoyishlari ijrosini ta’minlash maqsadida, Sherobod tumani umumiy o‘rta ta’lim maktablaridan bir guruh a’lochi o‘quvchilari taklif etilib ochiq eshiklar kuni o‘tkazildi.
Tadbirda tuman IIB binosidagi “Vatanparvarlik burchagi”, “Kutubxona”, “Ma’rifat” darslarini o‘tkazish zali, tuman IIB boshlig‘ining xizmat xonasi va boshqa xizmat xonalar bilan yaqindan tanishtirilib, o‘quvchilarga Respublikamiz ichki ishlar organlari tizimlarida “Ma’naviyat oyligi” o‘tkazilayotganligi ma’lum qilindi. O‘quv darslarda va turli ma’naviy-ma’rifiy tadbirlarda faol ishtirok etib kelayotgan o‘quvchilarga tuman IIB boshlig‘i podpolkovnik O‘.Shukurov tomonidan badiiy kitoblar sovg‘a qilindi.
