Qumqo'rg'on tumani 3-sektorida uch avlod uchrashuvi o'tkazildi
Qumqo'rg'on tumani 3-sektor hududiga qarashli Islomobod mahallasida "Uch avlod uchrashuvi" bo'lib o'tdi. Ezgu an'analar, milliy qadriyatlar, xalqimizga xos bo'lgan mehr-oqibat kabi insoniy fazilatlar mushtarakligida o'tkazilgan uchrashuv bayram sayliga aylandi.
Unda tuman hokimi, sektor rahbarlari, Nuroniy otaxon-u onaxonlar, yoshlar, mahalla ahli ishtirok etishib, to'kin dasturxon atrofida jam bo'lishdi.
Tuman hokimi so'z olib, tarix, bugun, kelajakni o'zida mujassam etgan bu kabi tadbirlar el-yurtimiz hayotida go'zal an'analarga aylanib, yoshlar uchun ibrat maktabi, ma'naviy ozuqa bo'layotganligini aytib o'tdi.
Tadbirda tadbirkorlar tomonidan ko'rgazmalar namoyishi hamda mehnat yarmarkalari ham bo'lib o'tdi.
Tuman madaniyat bo'limi tomonidan ijro etilgan kuy –qo'shiqlar, baxshilar chiqishlari, folklor jamoasining laparlari barchaga birdek manzur bo'ldi.
