27 Fevral 2024 yil 435

Oltinsoy tumanida ichki ishlar organlari xodimlari va ularning oila a’zolari ishtirokida xizmat intizomi va qonunchilikka rioya qilish yuzasidan uchrashuv tashkil etildi

Surxondaryo viloyati ichki ishlar boshqarmasi boshlig‘i tomonidan 2024 yil 15 fevral kuni tasdiqlangan reja dasturi asosida, Surxondaryo viloyati ichki ishlar organlarida ma’naviy-ma’rifiy ishlarni tashkil etish, shaxsiy tarkib o‘rtasida xizmat intizomi va qonuniylikni mustahkamlash, kelgusida xodimlar tomonidan sodir etilishi mumkin bo‘lgan qonunbuzilish holatlarini oldini olish maqsadida, Oltinsoy  tumanida viloyat ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati va ichki ishlar vazirligi Shaxsiy xavfsizlik bosh boshqarmasi Surxondaryo viloyati bo‘yicha boshqarmasi mas’ullari bilan hamkorlikda tuman IIBda xizmat olib borayotgan xodimlar hamda ularning oila a’zolari ishtirokida uchrashuv tashkil etildi.

Uchrashuv avvalida, viloyat ichki ishlar boshqarmasi boshlig‘i o‘rinbosari podpolkovnik Sherzod Shodiev so‘zga chiqib, bugungi kunda ichki ishlar organlari xodimlarining harbiy-vatanparvarlik tuyg‘usini, ma’naviy saviyasini va intellektual salohiyatini yuksaltirishni ta’minlash, ularda mamlakatimizning qadimiy va boy madaniyati, azaliy qadryatlari, udumlari va an’analariga asoslangan keng dunyoqarashini yanada shakllantirish yuzasidan bir qator manzilli ishlar amalga oshirilib kelinayotganligini, ammo ba’zi bir xodimlar ushbu yaratilayotgan shart sharoitlardan unumli foydalanmasdan hozirgi kunda xizmat intizomi va qonunchilikka tortilib ketayotganligini qayd etdi.

Uchrashuvda 2023-yil davomida viloyat ichki ishlar organlari xodimlari tomonidan sodir etilgan salbiy hamda ijobiy holatlar asosida tayyorlangan videofilm xodimlarning kelgusi xizmat faoliyatida o‘zlariga tegishlicha to‘g‘ri xulosa chiqarishi uchun yig‘ilganlarning e’tiboriga namoyish etildi.

Namoyish etilgan film yakunida ichki ishlar vazirligi Shaxsiy xavfsizlik bosh boshqarmasi Surxondaryo viloyati boshqarmasi boshlig‘i podpolkovnik Qudrat Samandarov so‘zga chiqib, namoyish etilgan ushbu videofilmdan har bir xodim o‘ziga tegishlicha xulosa chiqarib olishlari, to‘g‘risida ta’kidlab o‘z fikr mulohazalarini uchrashuv ishtirokchilariga bildirib o‘tdi.

Tadbir so‘ngida xizmat faoliyati davomida ijobiy natijalarga erishib hamkasblariga o‘rnak bo‘lib kelayotgan bir guruh xodimlarning ota-onalariga viloyat ichki ishlar boshqarmasi boshlig‘ining tashakkurnomalari hamda qimmat baho esdalik sovg‘alari tantanali topshirildi.

Text to speech