Eng ko‘p – 20 ta havo shari O‘rta Osiyoda ilk bor Surxondaryo osmonida uchirilmoqda
Ayni daqiqalarda “Boysun bahori” xalqaro folklor festivali bo‘lib o‘tayotgan
Turizm kompleksi hamda tumandagi “Alpomish” o‘yingohida havo sharlarini uchirish
tadbirlari o‘tkazilmoqda.
Eng mashhur ushbu turistik tadbirda rang-barang va turli namunalardagi jami
20 ta havo shari Boysun ustidan osmonu falakka qush parvozi balandligida ko‘tarilgan.
Qiziquvchilar sharlar bortida bu betakror, ertaknamo hududning fazoviy manzarasini
tomosha qilish, yoqimli kadrlarni foto va video kamera xotirasiga joylash imkoniyatiga
ega bo‘lishmoqda.
E’tiborlisi, eng ko‘p – 20 ta havo shari parvozi O‘rta Osiyoda ilk bor Surxondaryoda,
Boysun osmonida amalga oshirilmoqda.
Ma’lumot
uchun, havo shari ilk bor 1783 yil Versalda uchirilgan. Shar 500 metr balandlikgacha
ko‘tarilib, 4 kilometr masofani uchib o‘tgan. Havo sharining ixtirochilari birinchi
bo‘lib ixtirolariga hayvonlarni chiqarib sinab ko‘rishgan.
