O‘zbekiston Respublikasi Prezidentining “O‘zbekiston-2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi 2024 yil 21 fevraldagi PF-37-son Farmoni va Ichki ishlar vazirining 2024 yil 9 maydagi hamda viloyat IIB boshlig‘ining 2024 yil 15 maydagi tegishli Farmoyishlari ijrosi yuzasidan, Muzrabot tumani IIB huzuridagi Tergov guruhi katta tergovchisi kapitan X.Xo‘shboqov, tuman Kasb-hunar maktabi va tuman Yoshlar ishlari agentligi hamda At-Termiziy MFY a’zolari bilan hamkorlikda Muzrabot tuamni IIB boshlig‘ining Manaviy-marifiy ishlar bo‘yicha o‘rinbosari mayor N.Norqobilovga biriktirilgan 3-sektor hududida joylashgan At-termiziy mahallasi yashovchi Otaliqqa olingan yoshlar o‘rtasida “Xavfsiz hayot uchun birlashaylik!” shiori ostida yoshlarning jamiyatda munosib o‘rin egallashiga ko‘maklashish va Vatanparvarlik ruhida tarbiyalash maqsadida, At-Termiziy mahallasida joylashgan Kasb-hunar maktabida “Zakovat” intellektual o‘yini o‘tkazildi.

Murosasiz kechgan o‘yin yakuniga ko‘ra faxrli 1-o‘rinni “Zukkolar” jamoasi, 2-o‘rinni “Renessans” jamoasi, 3-o‘rinni “Everest” jamoasi qo‘lga kiritdi. G‘olib jamoalarga diplom va esdalik sovg‘alari hamda kitoblar jamlanmasi  topshirildi. Bundan tashqari, “Zakovat” intellektual o‘yini nufuzini va o‘qishga bo‘lgan qiziqishini oshirish maqsadida eng faol va bilimdon naminatsiyasi g‘olibiga aylangan Nurmamatova Shabnam Panji qiziga Muzrabot tuamni IIB boshlig‘ining Ma’naviy-ma’rifiy ishlar bo‘yicha o‘rinbosari mayor N.Norqobilov tomonidan qimmatbaho sovg‘a va kitoblar jamlanmasi tantanali ravishda topshirildi.