Hududlarda huquqbuzarliklarning barvaqt oldini olish, aholining huquqiy madaniyatini oshirish va jinoyatchilikka qarshi kurashish maqsadida, Ichki ishlar vazirligi huzuridagi Qo‘riqlash departamenti xodimlari tomonidan munatazam profilaktik tadbirlar olib borilmoqda.

Surxondaryo viloyati Angor tumanidagi kriminogen vaziyati og‘ir “O‘zbekiston” mahallasida xavfsiz muhitni yaratish va huquqbuzarliklarning barvaqt oldini olish borasida biriktirilgan mas’ullar tomonidan belgilangan yo‘l xaritasi asosida tizimli ishlar olib borilmoqda.

Jumaladan, mahallani jinoyatdan holi hududga aylantirish, aholi bandligini ta’minlash, yoshlar hamda voyaga yetmaganlarni nazorat qilish maqsadida Viloyat Ichki ishlar boshqarmasi huzuridagi Qo‘riqlash boshqarmasi xodimlari hamda Mahalla "yettiligi" tomonidan profilaktik targ‘ibotlar o‘tkazilyapti. Targ‘ibot tadbirlarida fuqarolarga sodir etilayotgan holatlar yetkazilib, xonadoni va ob’ekti daxlsizligini ta’minlashda qo‘riqlash xizmatining imkoniyatlaridan samarali foydalanish tavsiya etilmoqda.

Tumanning “Sharq guli” mahallasi ham "qizil" toifaga kiritilgan hududlardan biri. Mahallada kriminogen vaziyatni barqarorlashtirish, jinoyatni jilovlash, xushyorlikni oshirish mutasaddi tashkilotlar vakillarining ustuvor vazifalaridan hisoblanadi.

Mazkur yo‘nalishda, Qo‘riqlash boshqarmasi xodimlari aholi gavjum joylarda uchrashuvlar tashkil etib, o‘rnatiladigan qo‘riqlash va yong‘indan ogohlantiruvchi signalizatsiya vositalari, ularning ishlash tartibi haqida tushunchalar berildi. Jamoat tartibini buzish bilan bog‘liq holatlar, shuningdek, o‘g‘irlik jinoyatini oldini olishda xonadon va savdo do‘konlarida qo‘riqlash jihozlarini o‘rnatish muhim ahamiyatga ega ekanligi ta’kidlandi. Tadbirlar davomida ko‘chalarda, ko‘p qavatli uylarning kirish qismiga "tashvish" tugmalari, kuzatuv kameralari o‘rnatildi. Fuqarolar xonadonlari va savdo do‘konlari qo‘riqlovga olinib, hududlar nazoratga olindi.

Targ‘ibot tadbirlari mahallalar kesimida davom etmoqda.