Bugun hayotimizning barcha jabhalariga inson tafakkurining mahsuli bo‘lgan zamonaviy texnologiyalarning shiddat bilan kirib kelishi, yangidan – yangi  imkoniyat va qulayliklarni yaratmoqda, jamiyat taraqqiyoti yuksalishi, xalq farovonligining yanada oshishiga xizmat qilmokda.

Ilm fan sohasi tez sur’atlarda rivojlanayotgan XXI asr – axborot texnologiyalari va intellektual salohiyat asri sifatida e’tirof etilayotgani ham bejiz emas. Tabiiyki, ana shunday o‘zgarish va yangilanishlar davrida kishilarning atrofda yuz berayotgan voqea – hodisalarni bilish, o‘rganish va tadqiq  etish, hamda xulosa chiqarishga bo‘lgan ehtiyoji ham ortadi. Axborot almashuvi jarayonlarining takomillashuvi natijasida televidenie, radio, va matbuotdan tashqari yana bir mukammal tizim  - internet hayotimizga kirib keldi. Telekomunikatsiya sohasidagi qulay tezkor va zamonaviy usullardan biri bo‘lgan bu tarmoq imkoniyatlarni yanada oshirdi. Undan istalgan ma’lumotni qiska fursatda olishimiz, foydalanishimiz, bilimlarimizni mustahkamlashimiz va yangiliklardan xabardor bo‘lishimiz mumkin. Chegara bilmas axborot manbaidan foydalanishda ma’lum me’yorlarga amal qilish esa insonlarni turli ommaviy axborot “xuruj”lari, norasmiy manbalarning salbiy ta’siridan saqlashda muhim o‘rin tutadi.

Tarmoq orqali milliy mentalitetimizga xos va mos bo‘lmagan g‘arbona hayot tarzini targ‘ib etuvchi turli sayoz va jangari film, multfilm, shou dastur hamda videoroliklarni tomosha qilish, zo‘ravonlik aks etgan kompyuter o‘yinlarini o‘ynash, ayrim yoshlarning ta’lim-tarbiyasi, turmush tarzi va madaniyatiga salbiy ta’sir qilayotgani hech birimizga sir emas. Bu kabi jamiyatimizga xos bo‘lmagan illatlarning oldini olishda farzandlarimizning tashqi ta’sirlar, ayniqsa internet va xorijiy telekanallar orqali namoyish etilayotgan g‘arazgo‘ylikni targ‘ib etuvchi vositalardan himoya qilish har birimiznig burchimizdir.

Olimlarimizning bergan ma’lumotiga qo‘ra, jangari kompyuter o‘yinlari, ayniqsa, bolalarda qiziqqonlik va murosasizlik, atrofdagilarga nisbatan befarq, shafqatsiz munosabatda bo‘lish, o‘z hissiyotlarini ustun qo‘yish, o‘yindagi holatlarni real hayotda takrorlashga bo‘lgan ishtiyoq kabi salbiy holatlar shakllanishiga olib keladi. Bu esa o‘z navbatida kundalik turmushda kutilmagan muammo va ko‘ngilsizliklarni keltirib chiqarmasligiga hech kim kafolat bera olmaydi. Davlatimiz siyosatining ustivor maqsadlaridan biri yosh avlodni jismonan va ruhan sog‘lom, aqlan barkamol qilib voyaga yetkazish, ularni kelajagimizning munosib vorislari etib tarbiyalashga ko‘maklashishdan iborat ekan, bu borada hammamiz farzandlarimiz tarbiyasi uchun birdek mas’ul bo‘lishimiz lozim.

Hurmatli talabalar kompyuterdan foydalanayotganingizda quyidagilarga amal qiling:

• kompyuter oldida bir soatdan ortiq o‘tirmang;
• ko‘z bilan monitor orasidagi oraliq masofa 50 santimetrdan kam bo‘lmasin;
• kompyuter turgan xonani tez-tez shamollatib turing;
• kompyuterda ishlab bo‘lganingizdan so‘ng jismoniy mashqlar bilan shug‘ullaning;
• ko‘z charchashining oldini olish uchun ko‘zni yumib-ochish mashqlarini bajaring;
• ko‘zlaringiz dam olishi uchun choy shamasini xaltachalarga solib yarim soat davomida ko‘zlaringizga qo‘yib yoting;
• noutbukdan faqatgina stol ustiga qo‘yib foydalaning;
• Mobil aloqa telefonlari o‘zidan elektromagnit to‘lqinlarini tarqatishini hisobga olib, o‘sib kelayotgan yosh avlod salomatligini muhofaza qilish maqsadida quyidagi tavsiyalarga e’tibor qaratish lozim:
• mobil telefonlarini 7 yoshgacha bo‘lgan bolalarga berish mumkin emas;
• mobil telefonlarni yurak atrofida olib yurmang;
• mobil telefonlarni yotoqxonalarda boshga yaqin saqlash mumkin emas;
• mobil telefonlardan uzoq muddat gaplashish mumkin emas, gaplashishlar orasidagi tanaffus kamida 15-20 daqiqa bo‘lishi tavsiya etiladi;
• mobil telefonlaringizdan chiqayotgan nurlar miya faoliyati, eshitish va  sezish  qobiliyatiga salbiy zarar yetkazadi.

Umumiy aloqa telefonlari bo‘lgan taqdirda, albatta undan foydalanish maqsadga muvofiqdir.

Shiddat bilan rivojlanib borayotgan axborot-texnologiyalari davrida texnik vositalardan oqilona va to‘g‘ri foydalansak, o‘z sog‘ligimizga zarar yetkazmagan bo‘lamiz.