IIV Surxondaryo akademik litseyida "Yangi yilda yangi yutuqlar sari" shiori ostida bayram tadbiri bo‘lib o‘tdi.
O‘zbekiston Respublikasi IIV Surxondaryo akademik litseyida Yangi yil bayrami munosabati bilan "Yangi yilda yangi yutuqlar sari" shiori ostida bayram tadbiri bo‘lib o‘tdi. Tadbirda Surxondaryo viloyati IIB boshlig‘ining o‘rinbosari podpolkovnik Sh.Shadiev, Jarqo‘rg‘on tumani IIB boshlig‘i mayor Sh.Allamurodov, viloyat IIB MMI va KBTX Kasbiy tayyorgarlik boshqarmasi boshlig‘i podpolkovnik A.To‘raev va IIB Yoshlar yetakchisi kapitan B.Qurbonalievlar ishtirok etishdi.
Tadbirda o‘quv yili davomida, o‘zining na’munali xulqi va fanlarni o‘zlashtirishda yuqori o‘rinlarni qayd etayotgan hamda jamoat ishlarida faol ishtirok etib kelayotgan bir guruh o‘quvchilar viloyat IIB va akademik litseyi rahbariyati tomonidan taqdirlanishdi.
Tashkil etilgan bayram tadbirida o‘quvchilar tomonidan tayyorlangan she’riy, musiqali chiqishlar namoyish etildi.
