IIV Surxondaryo Akademik litseyida ham mustaqillik darsi o‘tkazildi
O‘zbekiston Respublikasi IIV Surxondaryo akademik litseyida yangi 2022/2023-o‘quv yili boshlanishi ko‘tarinki ruhda o‘tkazildi, yangi o‘quv yili boshlanishi munosabati bilan Surxondaryo viloyati IIB boshlig‘ining o‘rinbosari polkovnik Q.R.Batirov tadbirda ishtirok etib, o‘quvchilarni yangi o‘quv yili bilan tabrikladi.
Tadbir davomida, akademik litsey o‘quvchilari tomonidan tayyorlangan harbiy Vatanparvarlik chiqishi, tadbir ishtirokchilari tomonidan katta qiziqish bilan tomosha qilindi.
Shundan so‘ng o‘quvchilar tantanali ravishda safda yurishib, dars mashg‘ulotlariga kirishdi. O‘quvchilarga Surxondaryo viloyati IIB boshlig‘ining o‘rinbosari polkovnik Q.R.Batirov va viloyat IIB Yoshlar yetakchisi kapitan B.Qurbonaliev hamda akademik litsey rahbariyati tomonidan mustaqillik dars soatlari o‘tildi.
