IIV Surxondaryo Akademik litsey o‘quvchisi yana sport shohsupasida
2023-yilning 16-19-iyul kunlari Andijon viloyati Andijon shahrida “Usmanov Kombat Sistems” Federatsiyasi hamda Yoshlar siyosati va sport vazirligining 2023-yilgi kalendar rejasiga asosan Ful kontakt (B) Nokdaun (A), Kombat kurash (Greppling), Layt kontakt yo‘nalishlari bo‘yicha yoshlar va kattalar o‘rtasida jahon chempionati o‘tkazildi.
16 ta davlat jamoalari ishtirok etgan 400 nafar sportchilar orasida IIV Surxondaryo akademik litseyi o‘quvchisi Oltiboev Asadbek ham munosib ishtirok etib, yurtimiz sha’nini himoya qildi.
Musobaqaning LIGHT KONTACT yo‘nalishida 65 kg vazn toifasida Oltiboev Asadbek Fayzulla o‘g‘li finalda Tojikistonlik raqibi Abubakir G‘ofurovni nokautga uchratib g‘alaba qozondi va 1-o‘rinni qo‘lga kiritib oltin medal hamda chempionlik kamari va 1-darajali diplom bilan taqdirlandi.
