IIV Surxondaryo akademik litseyida "Zakovat" intellektual o‘yini bo‘lib o‘tdi.
Joriy yilning
29 mart sanasida IIV Surxondaryo akademik litseyida O‘zbekiston Respublikasi Prezidentining
2022 yil 20 yanvar kunidagi “Zakovat” intellektual o‘yinini aholi o‘rtasida ommaviy-ma’rifiy
harakatga aylantirish va boshqa intellektual o‘yinlarni rivojlantirishga oid chora-tadbirlar
to‘g‘risida”gi PQ-96-sonli qarori asosida "Zakovat" intellektual o‘yini
tashkil etildi.
Bellashuvda 1-bosqich
o‘quvchilaridan iborat 8 ta jamoa ishtirok etdi. O‘rtaga tashlangan adabiyot, tarix,
huquq va boshqa fanlarga oid savollar ishtirokchilarni chinakam mushohadaga undadi.
Bilim va xotira charxi bo‘lmish “"Zakovat"
intellektual o‘yini yakunida 4/23-guruhning "Liderlar" jamoasi faxrli
1-o‘rinni, 6/23-guruhning "Renessans" jamoasi faxrli 2-o‘rinni, 2/23-guruhning
"Yosh kursantlar" jamoasi faxrli 3-o‘rinni egallashdi.
