8 Oktyabr 2025 yil
132
IIV Surxondaryo akademik litseyida pedagog xodimlarning malakasini oshirishga qaratilgan amaliy seminar-mashg‘ulot o‘tkazildi.
Joriy yilning 8-oktabr kuni, Ichki ishlar vazirligi Surxondaryo akademik
litseyida IIV Akademiyasi “Huquqbuzarliklar profilaktikasi faoliyati” fakulteti
“Kriminologiya” kafedrasi katta o‘qituvchisi, yuridik fanlar bo‘yicha falsafa
doktori, mayor Bobur Aslanov ishtirokida, akademik litseyning pedagog xodimlari
ishtirokida amaliy seminar-mashg‘ulot o‘tkazildi.
Mazkur
seminar-mashg‘uloti “Dars jarayonlarida interfaol metodlardan foydalanish”
mavzusida boʻlib oʻtdi. Jarayon davomida o‘qituvchilarga interfaol ta’lim
uslublarining dars samaradorligini oshirishdagi o‘rni, o‘quvchilarda mustaqil
fikrlash ko‘nikmalarini shakllantirish, shuningdek, o‘quv jarayonini yanada
takomillashtirish bo‘yicha tavsiyalar berildi.
Mashg‘ulot
davomida ishtirokchilar bilan tajriba almashildi, interfaol metodlarni
darslarda qo‘llashning samarali usullari amaliy misollar asosida muhokama
qilindi. Shuningdek, o‘qituvchilar o‘z faoliyatida zamonaviy pedagogik
yondashuvlardan foydalanish bo‘yicha o‘z fikr va takliflarini bildirdilar.
Mazkur
seminar-mashg‘ulot pedagog xodimlarning malakasini oshirish, ilg‘or
tajribalarni amaliyotga joriy etish hamda ta’lim-tarbiya jarayonini
takomillashtirishga xizmat qiladi.
