IIV Surxondaryo akademik litseyida “Zakovat” intellektual o‘yini bo‘lib o‘tdi
O‘zbekiston Respublikasi Prezidentining “Zakovat” intellektual
o‘yinini aholi o‘rtasida ommaviy-ma’rifiy harakatga aylantirish va boshqa intellektual
o‘yinlarni rivojlantirishga oid chora-tadbirlar to‘g‘risida”gi 2022-yil 20-yanvardagi
PQ-96-sonli qarori ijrosini ta’minlash hamda iqtidorli yoshlarning mantiqiy bilimlarini
oshirish, ularni saralash va intellektual o‘yinlarga keng jalb qilish, shuningdek,
o‘quvchilarning intellektual salohiyatini yanada yuksaltirish maqsadida O‘zbekiston
Respublikasi Ichki ishlar vazirligining Surxondaryo akademik litseyida ikki turdan
iborat bo‘lgan an’anaviy “Zakovat” turniri tashkil etildi.
Tashkil etilgan “Zakovat” intellektual o‘yinida akademik
litsey o‘quvchilaridan iborat bo‘lgan 10 ta jamoalar ishtirok etishdi.
Qizg‘in
va murosasiz davom etgan bahslarda umumiy natijalarga ko‘ra 1/23-guruh “Yosh akademiklar”
jamoasi faxrli - 1-o‘rinni, 3/23-guruh “Tarmeta” jamoasi - 2-o‘rin, 2/23-guruh
“Yosh kursantlar” jamoasi – 3-o‘rinni egalladilar.
