Ichki ishlar organi faxriy xodimlari hamda shaxsiy tarkib xodimlari o'rtasida sport musobaqalari bo'lib o'tdi.
Ichki ishlar organlarida 15 noyabr kunidan 15 dekabr kuniga qadar "kasbiy tayyorgarlik oyligi" doirasida bir qator tadbirlar hamda musobaqalar tashkil etilib, o'tkazilib kelinmoqda. Jumladan; bugun Boysun tumanida tuman ichki ishlar bo'limi boshlig'ining tashabbusi bilan, ichki ishlar organlarida uzoq yillar samarali faoliyat yuritgan faxriy xodimlar hamda Boysun tumani ichki ishlar bo'limi shaxsiy tarkibi xodimlari o'rtasida sport musobaqalari bo'lib o'tdi.
Kunning birinchi yarmida Denov, Bandixon, Qumqo'rg'on hamda Boysun tumani faxriy ichki ishlar xodimlari o'rtasida futbol musobaqasi bo'lib o'tdi. Musobaqada tuman Hokimligi, Ichki ishlar bo'limi, Turizm va sport bo'limi, "Ariq-usti" mahalla fuqarolar yig'ini xodimlari ishtirok etishdi.
Qizg'in kechgan musobaqada, Boysun tumani faxriy ichki ishlar organlari xodimlari g'olib bo'lishdi. Shundan so'ng faxriy xodimlar bir piyola choy ustida dildan suhbat qilishib, o'tganlarni xotirlab, haqlariga duolar qilishdi.
Kunning ikkinchi yarmida, Boysun tuman Ichki ishlar bo'limi shaxsiy tarkibi xodimlari o'rtasida qurolni tarqatish va yig'ish, 1000 metrga yugurish, turnikda tortinish, futbol bo'yicha ichki ishlar bo'limi boshlig'i kubogi musobaqasi bo'lib o'tdi.
Musobaqada g'olib bo'lgan xodimlar hamda shaxsiy tarkib a'zolari, Boysun tuman Ichki ishlar bo'limi boshlig'ining diplomi hamda esdalik sovg'alari bilan munosib taqdirlandilar.
