Xodimlar sportning “Yengil atletika” yo‘nalishi bo‘yicha bellashdi
Termiz shahridagi "Alpomish" o‘yingohida Surxondaryo viloyati Qo‘riqlash boshqarmasi xodimlari o‘rtasida sportning yengil atletika turi bo‘yicha "Qo‘riqlash boshqarmasi boshlig‘i kubogi" musobaqasi bo‘lib o‘tdi.
Unda
barcha shahar va tumanlardan jami 80 nafar xodimlar ishtirok etib, yengil atletika
turlari bo‘yicha o‘zlarining mahoratlarini sinovdan o‘tkazdilar.
Musobaqa
jarayonida ishtirokchilarning 100 metr va 3 kilometr musofaga belgilangan vaqt oralig‘ida
yetib kelish, shuningdek, uzunlikka sakrash yo‘nalishlarida jismoniy harakatlari
baholanib borildi.
Yakunda
har bir yo‘nalish turlari bilan birga umumjamoa hisobida yuksak natijalar bilan
faollik ko‘rsatgan musobaqa g‘oliblari ham aniqlandi. Unga ko‘ra 3-o‘rinni Sariosiyo
tumani Qo‘riqlash bo‘limi jamoasi egallagan bo‘lsa, 2-o‘rin Jarqo‘rg‘on tumani Qo‘riqlash
bo‘limi xodimlariga nasib etdi. Faxrli 1-o‘rinni esa Boysun tumani Qo‘riqlash bo‘limi
jamoasi qo‘lga kiritdi.
Musobaqa g‘olib va sovrindorlari boshqarma boshlig‘i kubogi, diplom, medal va qimmatbaho sovg‘alar bilan munosib taqdirlandi.
