27 Avgust 2022 yil
434
Diqqat! O‘zbekiston Respublikasi Mustaqilligining 31 yilligi munosabati bilan Termiz shahrida transport vositalari qatnovi vaqtincha cheklanadi
O‘zbekiston Respublikasi Davlat Mustaqilligining 31 yilligi bayrami o‘tkazilishi munosabati bilan joriy yil 28 avgust kuni Termiz shahridagi San’at saroyida o‘tadigan bayram tantanalarini yuqori saviyada tashkil etish va yo‘l harakati xavfsizligini ta’minlash maqsadida, shaharning quyidagi ko‘chalarida transport vositalari qatnovi shu kuni kech soat 17.00 dan 00.00 ga qadar vaqtincha cheklanadi:
- At-Termiziy va A.Navoiy ko‘chalari kesishmasidan At-Termiziy va Ibn Sino ko‘chalari kesishmasigacha bo‘lgan masofada At-Termiziy ko‘chasiga tutashgan barcha ko‘chalarda: Afrosiyob ko‘chasi, «Baxt» ko‘chasi, A.Navoiy ko‘chasi tutashmalarida transportlar harakati to‘siladi;
- «Navbahor» ko‘chasi va A.Navoiy ko‘chasi tutashmasidan At-Termiziy va «Navbahor» ko‘chalari tutashmasigacha bo‘lgan masofada «Navbahor» ko‘chasiga tutashgan ko‘chalarning barchasi transport vositalari va temir panjaralar yordamida yopiladi;
- A.Navoiy ko‘chasi bilan tutashgan shahar tug‘ruqxonasi oldidan ochilgan yangi yo‘lga At-Termiziy ko‘chasi kesishmasiga qadar tutashgan ichki yo‘llarda ham qatnov transport vositalari va temir panjaralar yordamida vaqtincha cheklanadi.
