O‘zbekiston Respublikasi ichki ishlar vazirining 2022 yil 3 martdagi tegishli buyrug‘i va Ichki ishlar vaziri o‘rinbosarining 2025 yil 26 maydagi tegishli farmoyishlari ijrosini ta’minlash maqsadida, 2025 yil iyun oyining birinchi o‘n kunligi mamlakatimiz bo‘ylab, “Korrupsiyaga qarshi kurashish dolzarb 10 kunligi” deb e’lon qilingan.

Shu munosabat bilan, Bandixon tumani Ichki ishlar bo‘limida uchrashuv tashkil etilib, unda viloyat ichki ishlar organlarida korrupsiyaga oid huquqbuzarliklarni o‘z vaqtida aniqlash, ularga chek qo‘yish, ularning oqibatlarini, ushbu illatga imkon beruvchi sabablar va shart-sharoitlarni bartaraf etish, korrupsiyaga qarshi kurashish yo‘nalishida rahbar xodimlarning mas’uliyati va javobgarligini yanada oshirish maqsadiga qaratilgan targ‘ibot tadbiri bo‘lib o‘tdi.

Tadbirda tuman prokurori o‘rinbosari Mamayusuf Turdimuratov hamda tuman IIB boshlig‘i Ma’naviy-ma’rifiy ishlar bo‘yicha o‘rinbosari mayor Ernazar Eshmatovlar ishtirok etib, unda tuman IIB shaxsiy tarkibi tomonidan bu borada amalga oshirilishi lozim bo‘lgan ishlar xususida so‘z yuritildi.

Shuningdek, xodimlarga “Korrupsiyaga qarshi kurashish hamda korrupsiyaviy omillarni keskin kamaytirish” maqsadida tayyorlangan masus ogohlikka chaqiruvchi bukletlar tarqatilib, mas’ul xodimlar tomonidan tushuntirish ishlari olib borildi.