21 Mart 2025 yil
966
“Qadriyatlaring boqiy bo‘lsin, Navro‘z!"
Joriy yilning 20-mart kuni O‘zbekiston Respublikasi Ichki Ishlar Vazirligi Surxondaryo akademik litseyida “Qadriyatlaring boqiy bo‘lsin, Navro‘z!" shiori ostida yangilanish, mehr-muruvvat, tinchlik va ezgulik ramzi bo‘lmish–Navro‘z bayrami o‘tkazildi.
Borliqning uyg‘onish, yasharish bayrami sifatida ming yillar davomida nishonlanuvchi, inson va tabiat o‘rtasidagi uyg‘unlik, ona zaminga bo‘lgan mehr e’tiborni aks ettiruvchi Navro‘z bayram sayli ko‘tarinki ruhda tashkil etildi.
O‘quvchilarning milliy an’analarimizni o‘zida aks ettiruvchi badiiy chiqishlari, bahoriy kuy-qo‘shiqlari, raqs, sport, milliy o‘yinlar hamda turli sahna ko‘rinishlari barchaga ko‘tarinki kayfiyat baxsh etdi.
