O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan               2025 yilning 30-31 oktabr kunlari Termiz shaxridagi viloyat Olimpiya va paralimpiya sport turalariga tayyorlash markazining sport majmuasida  sportning “Sambo” turi bo‘yicha Surxondaryo viloyati Huquqni muhofaza qiluvchi organlarida xizmat o‘tayotgan xodimlar o‘rtasida viloyat birinchiligi   musobaqasi o‘tkazildi.

Sport musobaqasi murosasiz baxslarga boy bo‘lib, Surxondaryo viloyatida  xizmat o‘tayotgan Surxondaryo viloyati Milliy gvardiyasi boshqarmasi,  Ichki ishlar boshqarmasi,  Davlat xavfsizligi xizmati boshqarmasi,   Favqulodda vaziyatlar boshqarmasi,  DXX Chegara qo‘shinlari  xodimlaridan iborat 5ta  terma jamoadan  jami  50 nafar sportchilar katnashdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra  1 o‘rinni  Surxondaryo viloyati IIB  terma jamoasi, 2 o‘rinni Surxondaryo viloyati Favqulotda vaziyatlar boshqramasi terma jamoasi,   3 o‘rinni esa Davlat xavfsizligi xizmat chegara qo‘shinlari terma jamoasi qo‘lga kiritishdi.

G‘oliblar O‘zbekiston Respublikasi IIV “Dinamo” JTSJ Surxondaryo viloyati Kengashi tomonidan diplom, medal va qimmatbaxo esdalik sovg‘alari bilan taqdirlandilar.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol” , “Yunon-Rum kurashi”, “Kombat aykido” “Voleybol” to‘garaklarida hozirgi kunda jami 427 nafar o‘smirlar  muntazam shug‘ullanishib respublika va xalqaro musobaqalarda munosib o‘rinlarni egallashmoqda